Green card lotoreyasi haqida batafsil

Xalq tilida “Green Card” bo’lib ketgan narsa aslida AQSHda doimiy yashash va ishlash huquqini beradigan – “Permanent resident card” nomli xujjat. U turli sabablar va yo’llar bilan beriladi. Shulardan biri – lotereya o’yini ko’rinishida. Bu yashil kartochkani qo’lga kiritishning yagona yo’li emas. Lekin eng oson usuli. Har yili 50 000 dona yashil kartochkalar egalari aynan shunaqa usulda aniqlanadi. Lotereyada ishtirok etish uchun belgilangan bir oy muddat ichida rasmiy saytga kirib, o’zingiz va turmush o’rtog’ingiz (agar bo’lsa) pasport ma’lumotlari, ta’lim borasidagi ma’lumotingiz so’raladigan anketani to’ldirib, maxsus talablarga mos keladigan rasm joylash kifoya.

Green card qaysi saytlar orqali o’ynaladi?

Lotoreyaning rasmiy sayti manzili – https://dvlottery.state.gov/

Bundan boshqa istalgan sayt – feyk. Haqiqiy emas. Bundan boshqa barchasi – “moshennik”. Mutlaqo boshqa saytlarga ma’lumotlaringizni kiritmang. Internet olamida yuzlab o’ziga rasmiy maqom berib olgan feyk Green card saytlari bor. Ular sizning shaxsiy ma’lumotlaringgizni to’plab olib, rasmiy saytga ularni kiritib, yutuq chiqqan holda sizdan yaxshigina pul talab qilish uchungina ochilgan. Aldanmang! Green Card lotereyasi sayti faqat ingliz tilida faoliyat yuritadi. Uning ruschasi, o’zbekchasi yo’q.

Green card o’ynash qancha turadi?

Hech qancha. Lotereyada ishtirok etish to’lovi yo’q. U mutlaqo bepul. Qaysidir “tipo” konsalting firmacha qanchadir miqdorda so’ragan puli – faqat o’z xizmati uchun. Agar sizga lotereyada ishtirok etish uchun rasmiy to’lov, deb pul so’rasa, bu yolg’ondan boshqa narsa emas.

Qaysi firmada o’ynasa imkoniyat ko’payadi?

Hech qaysi. Sizga anketa to’ldirib berishga yordam beradigan hech bir firmaning biri ikkinchisidan ustun emas. AQSH immigrasion xizmati yoki Qo’shma Shtatlarning O’zbekistondagi elchixonasi biror firma bilan hamkorlik qilmaydi. Go’yoki ularning firmasida o’ynab, g’olib bo’lganlarning vizasi urilgan pasportlarini ilib qo’yilganiga laqqa tushmang. O’sha odamlar aynan u yerda o’ynaganini tekshira olmaysiz, bu – bir. Qo’yilgan hujjatlar haqiqiyligi ham aniqmas, bu – ikki. Rostdan o’sha yerda o’ynab, kimdir yutgan bo’lsa ham bu o’sha insonning omadliligini ko’rsatadi xolos. Sizning omadinggizga buning mutlaqo aloqsi yo’q. 50 ming so’mga to’ldiradigan firma ham, 10 ming so’mga shu ishni qiladigani ham, bir-biridan ko’proq bilmaydi. Ulardan faqat qo’lidagi hujjatdan ma’lumotni to’g’ri ko’chirish talab qilinadi xolos. Buni esa o’zingiz ham uddalay olasiz.

“Arizani oxirgi kunlarda topshirsa imkon ko’proq bo’larmish…?”

Bo’lmagan gap. Lotereya o’ynash sanalari e’lon qilingach, o’sha 30 kundan istalgan birida topshiravering. Anketaning qaysi kunda to’ldirilganligi bilan hech kimning ishi yo’q. Asosiy talab, ma’lumotlar to’g’ri kiritilganligi va fotosuratning talablarga mosligi. Boshqa “fokus”lar yo’q.

Qanday qilib imkoniyatni oshirsa bo’ladi?

Buning yo’llari yo’q. Faqatgina turmush qurganlarda imkoniyat qolganlardan ikki barobar ko’proq. CHunki er yoki xotindan qay biriga yutuq chiqsa ham ularning har ikkisi Green card olish imkoniga ega bo’ladi. Agar sizga kimdir yana biror yo’lini aytgan bo’lsa, bilingki, u noqonuniy va oxir-oqibat, sizga yutuq chiqqan taqdirda ham viza berilmasligiga olib keladi.

Green card lotoreyasida ishtirok etish uchun qanday ma’lumotga ega bo’lish kerak?

Anketa to’ldiruvchi hech bo’lmaganda o’rta ma’lumotga ega bo’lishi, O’zbekiston sharoitida litsey yoki kollejni tamomlagan bo’lishi shart.

Qanday xatolarga yo’l qo’ymaslik kerak?

Kishilar yo’l qo’yadigan jiddiy xatolardan biri shundaki, ular anketani to’ldirishda boshqa fuqaroning yordamidan foydalanganlarida undan o’zlariga tegishli bo’lgan “confirmation number – tasdiqlov raqami”ni olishni unutishadi yoxud bu haqda xabarsiz bo’ladi. Natijada mazkur raqamga ega kishi g’olibdan firibgarlik bilan yoki sababsiz pul talab qilishda foydalanishi mumkin.
Shunga ko’ra, boshqa kishining yordamidan foydalangan taqdirda ham mazkur tasdiqlov raqamini olishni unutmaslik kerak.
Anketani to’ldirishdagi yana bir muhim jihati shundaki, anketaga joylanadigan fotosurat talab qilingan o’lchamda va hajmda, so’nggi olti oy ichida olingan bo’lishi kerak.
Oilali kishilar turmush o’rtog’i, 21 yoshga kirmagan farzandlarining barchasini suratlari bilan birga anketaga qo’shishi talab etiladi. Aks holda, lotereyada g’olib sifatida tanlanib, keyinchalik konsullikka turmush o’rtog’i va farzandlarining hujjatlarini topshirgan taqdirda ham viza olish ehtimoli kamayadi.
Hozircha shu ma’lumotlarni to’pladim. Yana yangiliklar bo’lsa albatta yozaman. Yana bir jihatni e’tiborga olish lozim bo‘ladiki, grin karta g‘olibi bo‘lish, viza taqdim etilib, AQShga borishga muvaffaq bo‘lish – o‘sha shaxsga ish joyi, boshpana, ishsizlik maoshi, tibbiy sug‘urta bepul berilishini anglatmaydi.

Maqola yoqdimi? Iltimos, saytni ommalashtirishga yordam berib ijtimoiy sahifadagi do'stlaringizga ma'lum qiling.
Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: