Gazeta va jurnallarga obuna bo‘lish majburiymi?

Gazeta va jurnallarga obuna bo‘lish majburiymi?
Bizni telegram orqali ham kuzatishingiz mumkin Kanalga obuna bo'lish

Adliya vazirligi axborot xizmatining ma’lum qilishicha, so‘nggi vaqtlarda ijtimoiy tamoqlarda xodimlarning turli bosma ommaviy axborot vositalariga (gazeta va jurnallarga) majburiy obuna bo‘lishga undash, ish haqlaridan majburiy ushlab qolish kabi holatlari kuzatilyotgan ekan.

Shu munosabat bilan Adliya vazirligi bu masala yuzasidan rasmiy bayonot berdi.

«Mehnat kodeksining 164-moddasiga muvofiq xodimlarni ularning yozma roziligisiz, jumladan shunday rozilik berishga majbur qilingan holda ish haqidan obuna, kommunal to‘lovlar va boshqalar uchun ushlab qolish qonunga zid hisoblanadi.

Quyidagi hollar bundan mustasno: Mehnat kodeksiga asosan soliqlar undirish, sud qarorlari va boshqa ijro hujjatlarini ijro etish va shu kabi holatlar xodimning roziligisiz ushlab qolinishi.

Agar shunday holatga duch kelsangiz Adliya vazirligining ishonch telefoniga (1008) yoki tuman (shahar) adliya bo‘limlariga murojaat qiling.» – deyiladi Adliya vazirligi matbuot kotibi – Sevara Urinbayevaning «Telegram»dagi rasmiy kanalida

Shuni ham esdan chiqarmaslik kerakki, O‘zbekiston Respublikasi Prezidentining 2018 yil 14 avgustdagi PQ-3907-sonli qaroriga muvofiq xalq ta’limi xodimlarini xizmat majburiyati bilan bog‘liq bo‘lmagan ishlarga, ularning kasbiy faoliyati bilan bog‘liq bo‘lmagan yig‘ilishlar va boshqa tadbirlarga jalb qilish, ularning bosma nashrlarga majburan obuna bo‘lishini tashkil etish taqiqlangan.

Maqola yoqdimi! Uni tezroq do'stlaringizga ma'lum qiling:
BAXTIYOR.UZ
Izoh qo'shing

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: