Eksternat yakuniy davlat attestatsiyalari qanday o’tkaziladi?

Eksternat yakuniy davlat attestatsiyalari qanday o’tkaziladi?

Eksternat tartibida yakuniy davlat attestatsiyalari qanday tartibda o’tkaziladi? Ular ham oliy o’quv yurtiga hujjat topshirishga ulguradimi?

Ushbu masalaga Xalq ta’limi vazirligi matbuot kotibi Anvar Umarov oydinlik kiritdi.

❗️O’zi eksternat tartibida imtihon topshiradigan kimlar? Mamlakatimizda barchaning umumiy o’rta ta’lim olish huquqini kafolatlash maqsadida turli sabablarga ko’ra ta’lim davom ettira olmagan, bugungi kunda maktab yoshidan oshib ketgan (18 yosh) fuqarolarga eksternat tartibida imtihon topshirish, agar imtihondan muvaffaqiyatli o’tsa, ularga attestat berish tartibi joriy etilgan.

Bu yil eksternat tartibida yakuniy davlat attestatsiyadan o’tish uchun jami 4738 nafar (shundan 570 tasi 9-sinf xajmida, 4168 tasi 11-sinf xajmida) fuqarolardan ariza tushgan.

O’zbekiston Respublikasi Prezidenti SH.M.Mirziyoev huzurida 2020 yil 30 aprel kuni o’tkazilgan 28-sonli yig’ilish bayonida berilgan topshiriqqa muvofiq eksternat tartibida yakuniy davlat attestatsiyalarini karantin talablariga qat’iy rioya etgan holda 2020 yilning 15-30 iyun kunlari o’tkazish rejalashtirildi.

Bunda yakuniy davlat attestatsiyasi o’tkaziladigan ta’lim muassasasida zararsizlantiruvchi vositalar yordamida dezinfeksiya ishlarini olib borish, eksternlarning sanitar-gigiena qoidalariga rioya etgan holda himoya vositasida (tibbiy niqob) va rezina qo’lqopda kelishlari, binoga kirishdan avval tibbiy xodimlar tomonidan ularning tana haroratini o’lchash, oraliq masofani (1.5 metr) saqlagan holda o’tirishlarini tashkil etish, sig’imi 70 kishidan oshmagan holda sportzal va oshxonalarda o’tkazish tavsiya etildi.

Ularga ham oliy o’quv yurtiga hujjat topshirishlariga imkoniyat yaratish maqsadida 2020 yil 5 iyulga qadar yakuniy davlat attestatsiyadan muvaffaqiyatli o’tgan eksternlarni attestat.uzedu.uz elektron dasturiga kiritish va ularga belgilangan tartibda attestat (shahodatnoma)larni rasmiylashtirish nazarda tutilgan.

Maqola yoqdimi! Uni tezroq do'stlaringizga ma'lum qiling:
BAXTIYOR.UZ
Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: