Davlat umumta’lim maktablari faoliyati qachon tiklanadi? Forma va o’quv qurollarini olish kerakmi?

Davlat umumta’lim maktablari faoliyati qachon tiklanadi? Forma va o’quv qurollarini olish kerakmi?
Bizni endi Telegramda ham o'qishingiz mumkin. Kanalga obuna bo'lish

Bugun aksariyat ota-onalardan davlat maktablarida yangi o’quv yili qachondan boshlanishi, o’quvchilar uchun o’quv qurollari hamda maktab formasini xarid qilish yuzasidan ko’plab savollar kelib tushmoqda.

Xalq ta’limi vazirligi ushbu savolga javoban quyidagilarni ma’lum qiladi:

Respublika maxsus komissiyasining qarori bilan 2020 yilning 20 avgustidan boshlab buyum bozorlari hamda buyumlar savdosi bilan shug’ullanuvchi yirik do’konlar faoliyatiga ruxsat berildi.

Аlbatta o’quv yili qachon boshlanishidan qat’iy nazar o’quvchilar uchun o’quv qurollari kerak bo’ladi.

Ota-onalarimizdan, bozor va do’konlar ochilgani bilan, sanitariya qoidalari va ijtimoiy masofa saqlashlari, ayniqsa, farzandlari sog’ligiga alohida e’tibor qaratishlarini so’raymiz. Hozir hamma baravar bozorga borsa ijtimoiy masofa saqlash qiyin bo’ladi, shuning uchun juda shoshilish, barcha xaridlarni maktabgacha amalga oshirish shart emas. O’quv qurollari va kiyim-kechaklarni maktab boshlanganidan keyin ham olib berish mumkin, eng asosiysi o’zingiz va farzandlaringizning salomatligini asrash!

Аyni damda o’quv yilini boshlash yuzasidan mutasaddi vazirlik va idoralarga taklif kiritish bo’yicha topshiriq berilgan. Davlat umumta’lim maktablari bo’yicha Respublika Maxsus komissiyasining qarori yaqin kunlarda e’lon qilinadi.

Аvvalroq Xalq ta’limi vazirligi maktablar faoliyatini davom ettirish bo’yicha 3 ta senariy taklif qilayotgani haqida xabar bergandik.

Maqola yoqdimi! Uni tezroq do'stlaringizga ma'lum qiling:
BAXTIYOR.UZ
Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: