Chet tillarini oʻqitish boʻyicha Milliy oʻquv dasturida qanday o’zgarishlar bo’ldi?

Chet tillarini oʻqitish boʻyicha Milliy oʻquv dasturida qanday o'zgarishlar bo'ldi?
Telegram kanal подписаться

Chet tillarini oʻqitish boʻyicha Milliy oʻquv dasturi loyihasi ishlab chiqildi. Mazkur dasturi oʻquvchilarga til oʻrganishni rejalashtirish, maqsadlarni belgilash yoki moslashish va rivojlanishni nazorat qilish uchun asos yaratadi. Xo‘sh, Chet tillarini oʻqitish boʻyicha Milliy oʻquv dasturida qanday o’zgarishlar bo’ldi, yangi dastur nima uchun kerak?

Bu haqda Xalq ta’limi vazirligi qoshidagi Respublika ta’lim markazi ma’lumot berdi:
1️⃣ Dastur oʻquvchiga tilni oʻzlashtirishda sinflar va muassasalar oʻrtasida uzluksiz oʻtishga imkon beradi. Bu maʼlumotlarni tushunishni osonlashtiradi.

2️⃣ Dastur asosida chet tili oʻrganuvchilarni 21-asr koʻnikmalari asosida tinglab-tushunish (listening), oʻqish (reading), yozish (writing), gapirish (speaking) va integral koʻnikma (integrated skills) larning har birini qay darajada egallaganliklarini tekshiruvchi baholash meʼyorlari yaratildi.

3️⃣ Dastur ishlab chiqilgan talablar asosida oʻquvchilarning chet tilidan egallagan bilim darajalarini (A1, A2, A2+, B1 yoki B1+) aniqlab beradi.

4️⃣ Dastur shu asosida yaratiladigan oʻquv dasturlari va resurslar qanday yaratilishini aniq belgilab beradi.

5️⃣ Dastur test dizaynerlari uchun belgilangan koʻnikmalar (“can do”) asosida oʻquvchilarning til bilish darajasini aniqlashga yordam beruvchi hamda tilni toʻgʻri oʻzlashtirishga yoʻnaltiruvchi testlar toʻplamlarini yaratishga imkon beradi.

6️⃣ Amalda 4 ta til bilish koʻnikmasi (listening, reading, writing, speaking) talablari koʻrsatilgan boʻlsa, yangi dasturga koʻra, 21 asr koʻnikmalari hamda CEFR Young Learner (2018) talablari ham qoʻshildi. Shuningdek, muloqot turi yordamida (Interpersonal, Interpretive, Presentational) oʻquvchi tomonidan maʼlumotni qabul qilish, tushunish va taqdim qilish talablari koʻrsatildi.

7️⃣ Amaldagi dasturda AKT bilan bogʻliq til terminlarini bilish talablari aniq koʻrsatilmagan edi. Chet tillarni oʻqitish boʻyicha Milliy oʻquv dasturi ʼprintʼ, ʼsaveʼ, ʼdeleteʼ, ʼsendʼ kabi umumiy, sodda texnika “tili”ni bilish talablarini sinflar kesimida aniq belgilab berdi.

8️⃣ Amaldagi chet tili darsligi taʼlim tili rus, qozoq, tojik va qoraqalpoq tillarida boʻlgan sinflarda oʻzbek tili fani hamda taʼlim tili oʻzbek tilida boʻlgan sinflarda rus tili fani darsliklariga moslashtirilmagan edi. Chet tillarni oʻqitish boʻyicha Milliy oʻquv dasturida mazkur kamchilik bartaraf etildi.

9️⃣ Ingliz tili fani darsliklarining mavzulari boshqa fanlar bilan solishtirilgan holda takomillashtirilmoqda. Bundan maqsad, oʻquvchilar fanlar doirasida oʻrgangan bilimlarini chet tili darslarida qayta mustahkamlashiga, chet tilini erkin ishlata olishlariga erishishdir.

🔟 Har bir sinf uchun “can do” bilim va koʻnikmalari alohida koʻrsatildi. Oʻquvchilarda mantiqiy, tanqidiy fikrlashni shakllantirish va ijodkorlik qobiliyatini oshirish nazarda tutildi.

A1 6- sinf oʻquvchilari darajasi deb belgilandi. Endilikda dastur asosida yaratilgan darsliklarni oʻqituvchiga emas, balki oʻquvchiga markazlashgan mashgʻulotlar bilan boyitish koʻzda tutilmoqda.

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: