Chet ellik investorlarni jalb etib davlat-xususiy maktablar qurilishi rejalashtirilmoqda

Chet ellik investorlarni jalb etib davlat-xususiy maktablar qurilishi rejalashtirilmoqda
Bizni endi Telegramda ham o'qishingiz mumkin. Kanalga obuna bo'lish

Ilk bor xalqaro standartlar asosida Toshkent shahri va Toshkent viloyatida 16 ta davlat umumta’lim maktablari barpo etilishi va davlat-xususiy sheriklik asosida chet ellik investorlarni jalb etish rejalashtirilmoqda

O’zbekiston Respublikasi Xalq ta’limi vazirligi Toshkent shahri va Toshkent viloyatining umumiy o’rta ta’lim maktablariga ehtiyoj yuqori hududlarida davlat-xususiy sheriklik asosida davlat umumiy o’rta ta’lim maktablari tashkil etish yuzasidan O’zbekiston Respublikasi Prezidentining “Osiyo taraqqiyot banki bilan hamkorlikda Toshkent shahri va Toshkent viloyatida davlat-xususiy sheriklik asosida davlat umumiy o’rta ta’lim maktablarini tashkil etish to’g’risida”gi qaror loyihasini regulation.gov.uz saytida muhokama uchun e’lon qildi.
Mazkur qaror loyihasi doirasida O’zbekiston Respublikasi Xalq ta’limi vazirligi Osiyo taraqqiyot banki bilan hamkorlikda Toshkent shahri va Toshkent viloyatida davlat-xususiy sheriklik asosida katta sig’imli zamonaviy hamda xalqaro standartlarga javob beruvchi davlat umumiy o’rta ta’lim maktablari qurilishi, jihozlanishi, ularning har besh yilda joriy ta’mirlanishi, shuningdek, ularga davlat-xususiy sheriklik to’g’risidagi bitim muddati davomida muntazam va yuqori darajali texnik xizmat ko’rsatilishini ta’minlash uchun xususiy investorlarni jalb etish rejalashtirilgan. Dastlabki hisob-kitoblarga ko’ra ushbu davlat umumiy o’rta ta’lim maktablari uchun 100 mln. AQSH dollari ekvivalentidagi xususiy investitsiyalar jalb etilishi kutilmoqda.
Loyiha asosida tashkil etiladigan maktablar jahon ta’lim standartlari va milliy ta’lim dasturlarini o’zida mujassamlashtirgan holda o’quvchilarning zamon talablariga mos infratuzilmalar yordamida tahsil olishlari, shuningdek, maktab hududida o’z vaqtlarini mazmunli o’tkazishlariga ko’maklashadi.
Qaror loyihasi davlat-xususiy sheriklik asosida tashkil etiladigan davlat umumiy o’rta ta’lim maktablari uchun dastlabki tanlab olingan hududlar hamda loyihani amalga oshirish bo’yicha ishchi guruh tarkibini o’z ichiga olgan bo’lib, muhokama hamda kelishuv davomida o’zgartirishlar kiritilishi mumkin.
Qaror loyihasida umumiy o’rta ta’lim maktablar tashkil etilishi ko’zda tutilgan hududlar, Toshkent shahri va Toshkent viloyatining hududlariga chiqqan holda dastlabki o’rganishlar natijasida umumiy o’rta ta’lim maktablariga ehtiyoj yuqori deb topilgan hududlarni o’z ichiga olgan.
Mazkur havola https://regulation.gov.uz/uz/document/20703 orqali qaror loyihasi bilan batafsil tanishishingiz mumkin. Xalq ta’limi vazirligi muhokamalarda faol ishtirok etishingizni so’raydi. Qaror loyihasi muhokamasi joriy yilning 26-avgust kuniga qadar davom etadi.

Maqola yoqdimi! Uni tezroq do'stlaringizga ma'lum qiling:
BAXTIYOR.UZ
Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: