Aziz va mo’tabar ustozlar, bayramingiz bilan!

Aziz ustozlar, bayramingiz bilan!

Bolaligimda ustozlarga negadir havas ko’zi bilan boqardim. Ularni bekam-u ko’st inson sifatida tasavvur qilib taqlidan harakatlar qilardim. Mendagi ishtiyoqni sezgan ona tili va adabiyoti o’qituvchisi Tojivoy aka Norboyev o’quvchilik chog’larimdayoq o’z tengdoshlarimga dars o’tishga imkon berar edilar. Onam ham bolalik chog’larida ona tili va adabiyoti o’qituvchisi bo’lishni orzu qilgan, ammo yosh turmushga berishgach orzulariga yeta olmaganlar. Ularning ezgu istaklari men orqali amalgam oshgan desam balki to’g’ri bo’lar.

Ustozlik! Bu dunyodagi eng qadrli va eng mashaqqatli kasb. Ustozlik misoli bir bog’bonlik. Uning mevasi bir yilda emas, bir necha yilda hosilini beradi. Yosh, g’o’r, o’yinqaroq, ta’sirchan bolalarning ko’ngliga turli tuslarga kirib, turlicha yo’l toppish, ta’lim va tarbiya berish ustozning zimmasida. Biz Vatan so’zini bosh harf bilan yozamiz, ustoz so’zi ham ana shunday hurmatga arziydi. Men yaxshi niyatlar bilan ushbu saytni yaratmoqdaman, saytimdagi birinchi maqolam Ustoz va murabbiylar kuniga to’g’ri kelgani meni yanada quvontiradi.

Aziz ustozlar, hurmatli hamkasblar! Barchangizni ushbu qutluq kun bilan samimiy tabriklayman. Hamisha yuzingiz yorug’ bo’lsin. Ko’nglingiz tubida neki orzu istaklaringiz bo’lsa barchasiga yetishib yuring. Yana bir bor bayramingiz qutluq bo’lsin!

Maqola yoqdimi? Iltimos, saytni ommalashtirishga yordam berib ijtimoiy sahifadagi do'stlaringizga ma'lum qiling.
Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: