Attestatsiyadan o‘tganlik to‘g‘risidagi toifa sertifikatlarini qachon va kimdan olish mumkin?

Attestatsiyadan o‘tganlik to‘g‘risidagi toifa sertifikatlarini qachon va kimdan olish mumkin?
Telegramda o'qish

Pedagog kadrlar attestatsiyasi faqat malaka (test) sinovlaridan iborat emas, attestatsiya komissiyalari malaka toifalari berish to‘g‘risida qaror chiqarishda faqatgina malaka (test) sinovlari natijalariga qarab emas, balki pedagogning dars o‘tish mahorati va mehnati samaradorligiga baholash mezonlari asosida qo‘yilgan ballar asos bo‘ladi.

Attestatsiya ikki bosqichda o‘tkaziladi: birinchi bosqichda — attestatsiyadan o‘tuvchilarning o‘quv fani bo‘yicha malaka sinovi natijalari, dars o‘tish mahorati va mehnati samaradorligi ekspert guruhi tomonidan o‘rganiladi hamda tegishli tavsiyalar tayyorlanadi;

ikkinchi bosqichda — attestatsiya komissiyalari ekspert guruhi tomonidan o‘rganilgan birinchi bosqich natijalarini tahlil qiladi, attestatsiya jarayonida to‘plangan hujjatlar jamlanmasini (portfoliosini) o‘rganadi va pedagog kadrni malaka toifasida (lavozimida) qoldirish yoki boshqa toifa (lavozim) berish to‘g‘risida qaror qabul qiladi.

Attestatsiya komissiyalari baholash mezonlari asosida qaror qabul qiladi. Baholash mezonlari bo‘yicha o‘rtacha ko‘rsatkich chiqarilmaydi hamda baholash mezonlarining birortasi bo‘yicha belgilangan ko‘rsatkichdan past baholansa “attestatsiyadan o‘tmadi” degan qaror qabul qilinadi.

Vazirlar Mahkamasining 2019 yil 13 maydagi 392-son qarori bilan tasdiqlangan nizomga asosan xalq ta’limi boshqarmalari attestatsiya komissiyalarining asosiy vazifasi oliy, birinchi va ikkinchi malaka toifali pedagog kadrlarga sertifikatlar olish uchun Ta’lim inspeksiyasiga buyurtmanoma berish hamda attestatsiya o‘tkazilgandan so‘ng bir oy muddatda pedagog kadrlarni sertifikatlar bilan ta’minlash hisoblanadi.

Pandemiya sababli malaka (test) sinovlari kechiktirilgan edi. Bugungi kunda tasarrufida ta’lim muassasalari mavjud bo‘lgan vazirlik va idoralar bilan, shu jumladan Xalq ta’limi vazirligi bilan hamkorlikda malaka sertifikatlarni o‘qituvchilarga tezroq yetkazish bo‘yicha ishlar olib borilmoqda.

Shavkat Xo‘jaqulov, Ta’lim sifatini nazorat qilish davlat inspeksiyasi Matbuot kotibi

Понравилась статья? Поделиться с друзьями:
Baxtiyor.uz
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: