Nokia symbian telefonlari uchun dasturlar to’plami

Ushbu to’plamda nokia S5, E51, E52, E72 va shu kabi symbian 9.1, 9.2, 9.3 avlodlari uchun qo’shimcha dasturlar o’rin olgan.

Aslida zamon talabiga ko’ra ko’pchilik foydalanuvchilar android bazali smartfonlarga o’tib ketayotgan bo’lsa-da, symbian sistemali telefonlardan voz kechmaganlari ham talaygina. Avvalroq symbian telefonlarni ko’zi ojizlar uchun moslab ishlatish haqida ushbu maqolani e’lon qilgan edim. Menga Bog’lanish formasi orqali nokia symbian telefonlari imkoniyatlarini oshiradigan qo’shimcha dasturlardan topishda yordam so’rab bir necha marta murojaat etishganidan so’ng ushbu to’plamni yig’ib havola etishga qaror qildim. To’plam 50 ga yaqin sis dasturlardan tarkib topgan. Arxivda dasturlar quyidagicha joylashtirildi:
01. Sertifikat va mobile speak.zip
Ushbu birinchi arxivda telefonni vzlom ya’ni sertifikatini sindirish va ko’zi ojizlar uchun ovozlashtiruvchi dasturlardan iborat Mobile speak, Norton, RomPatcherPlus, Original, NoOriginal, Alyona kabi dasturlar joy olgan.
02. Sintizator.zip
Ushbu arxiv faylda mobile speak bilan ishlaydigan Sasha, Vika, Vlacheslav, Yuly, Yuri kabi sintezatorlar o’rin olgan.
03. Flowray.zip
Flowray ovozli soat bo’lib har yarim, yoki har bir soatda soat necha bo’lganini aytadi. Ushbu arxivda o’zbek tilidagi Dildora, Bahodir va Anna rus tilidagi dasturlar bo’lib ulardan faqat birini smartfoningizga o’rnata olasiz. Dasturni o’zingizga moslab qaysi vaqtda balandroq, qaysi vaqtda pastroq, qaysi vaqtda aytib, qaysi vaqtda aytmaydigan qilib sozlab olish mumkin.
04. QuickOffice.zip
Ushbu arxivdagi QuickOffice va QuickOffice rusifikator dasturlarini o’rnatganingizda smartfoningiz Doc, Docx formatdagi matnlarni o’qiy boshlaydi. Bu o’quvchilar, talabalar va kitobsevar do’stlar uchun ayni muddao.
05. Avtootvechik.zip
Arxivdagi Avtootvechik va Avtootvechik_rusifikator dasturlari smartfoningizga qo’ng’iroq qilishganda sizning band ekaningizni aytib ularning xabarini avtomatik yozib olish uchun o’ylab topilgan.
06. Actifile menejer.zip
Arxivdagi Actifile_menejer va Actifile_menejer_rusifikator dasturlari telefon va SD karta xotirasida ko’rinmaydigan sistemniy papka va fayllarni ko’rishga yordam beradi.
07. Plus_minus.zip
Arxivdagi volume va Volume_patch dasturlari ovozni baland/past qiladigan tugmachalar ishlamay qolganda qo’l keladi.
08. FreeUnRAR.sis
Ushbu dastur RAR formatdagi fayllarni ochish uchun kerak bo’ladi.
09. Handy_Blacklist.sis
Ushbu dastur qora ro’yhatdagi raqamlarga qo’ng’iroq va SMS uchun to’siq qo’yadi. Dasturni o’rnatib sizni ko’p bezovta qilayotgan kishilarning raqamlarini qora ro’yhatga safiga qo’shing va hotirjam bo’ling.
10. Rasm tahrirlagich.sisx
Rasmlarga effect berib o’zgartirishni xush ko’ruvchilar uchun uncha katta bo’lmagan dastur.
11. Minut_soat.sis
Ushbu dastur mobile speak bilan birga ishlaydigan soat bo’lib Flowraydan farqli ravishda ilovaga bosilganda vaqtni ovoz bilan aytadi. Flowray mobile speakdan mustaqil ravishda har yarim, yoki bir soatda vaqtni aytsa, ushbu dastur ilovasiga istalgan vaqt bosilganda soat necha bo’lganini aytadi.
12. mobilecleaner.sis
Smartfoningizda fayl va dasturlarni o’chirganingizda ular o’chgan bo’lsa-da ma’lum miqdorda xotiradan joy band qilib turadi. Ushbu dastur esa ana shunday chiqindilarni tozalash uchun kerak bo’ladi.
13. Mp3_converter.sisx
MP3 fayl formatlarini o’zgartiruvchi dastur.
14. mvideoeditor.sis
Video fayllarni tahrirlash uchun ishlatiladigan ajoyib dastur.
15. Mytone.sisx
Musiqa bilan ishlashni xush ko’radigan, musiqalarni kesib, ulashda foydalaniladigan dastur.
16. operator logosini ozgartirgich.sisx
Ushbu dastur bilan shunchaki siz mobil operator logosini o’zgartirib qo’yishingiz mumkin.
17. Phone-guardian.sis
Dasturni o’rnatib unga raqam kiritib qo’ysangiz, telefoningizga boshqa simkarta solinganda shu simkartadan avtomatik ravishda siz kiritgan raqamga SMS keladi. Bu telefon xavfsizligi uchun juda zarur bo’lgan dasturlardan biridir.
18. PhoNetInfo.sisx
Ushbu dastur yordamida telefoningizning barcha imkoniyatlari haqida ma’lumot olishingiz mumkin.
19. best timer.sis
Timer uchun ishlatishga qulay bo’lgan soddagina dastur.
20. PhoneTorch.sis
Smartfonning spichkasidan fonar sifatida foydalanish uchun chiqarilgan dastur.
21. Siseditor.sis
Sis fayllarni tahrir qilish va yaratish uchun mo’ljallangan dastur.
22. Smart_zagruzka.sis
Odatda symbian bazali telefonlarning yonishi biroz uzoq davom etadi. Ushbu dasturni o’rnatganingizda telefoningiz ishlashga tayyor bo’lganda o’ziga xos signal bilan ogohlantiradi.
23. tel kotarilganda vibratsiya bergich.sis
Dasturni o’rnatib faollashtirganingizda kelgan qo’ng’iroqni ko’targaningizda vibratsiya (tebranish) yuzaga keladi. Bunday tebranish suhbatning har 50-soniyasida ham sodir bo’ladi.
24. Total_Recall.sis
Ushbu dastur yordamida barcha qo’ng’iroqlarni avtomatik ravishda, suhbatdoshingizga sezdirmagan holda yozib olishingiz mumkin.
25. Y_Browser.SIS
Ushbu dasturdan yuqorida keltirilgan Actifile menejer kabi sistemniy fayl va papkalarni ko’rish uchun foydalaniladi.
26. Windows_start.sis
Dasturni o’rnatganingizda smartfon o’chib yonganda odatiy nokia ovozi emas, kompyuterning Windows XP ovozi jaranglaydi.
27Yolg’on sms.sis
Ushbu qiziqarli dastur siz belgilagan raqamdan, siz yozgan matnni siz belgilagan vaqtda o’z raqamingizga jo’natadi.
28. Handy_Phoneguard.sis
Ushbu dastur yordamida papkalar, SMSlar, muayyan dasturlar va boshqa joylarga parol bilan kirishni ta’minlaydi. Dasturni o’rnating, parol qo’ying va qaysi elementlarga parol bilan kirishni belgilang.
29. MLauncher_pleer.sisx
Ushbu dastur standart musiqa ijrochisidan farqli ravishda belgi qo’yilgan papkalardagi mp3larni ijro etadi.
30. Powermp3.sis
Yana bir ajoyib musiqa ijrochisi. Telefonni o’chirib yoqqaningizda ham musiqa oxirgi kelgan joyidan davom etadi.
31. Radiozapis.sis
Radio orqali ijro etilayotgan qo’shiqlarni yozib oladigan soda dastur. Ushbu dastur yordamida minus qo’shiq qo’ygan holda o’z ovozingizni ham havaskor tarzda yozishingiz mumkin.
32. Light Control.sis
Ushbu dastur bilan ekran nurini nazorat qilishingiz mumkin. Dastur ekranning standart sozlamalaridan ko’proq imkoniyatga ega.
33. Screenshot.sisx
Ekranni suratga oluvchi dastur. Dasturni o’rnating, sozlamasiga kirib bir tugmani belgilang. Shu tugma bosilganda ekran rasmga olinadi.
34. UCBrowser.sisx
Bu trafikni tejovchi chiroyli brauzer bo’lib, afsuski, mobile speak dasturi uni ovozlashtirish imkoniyatiga ega emas.
35. autohangup.sisx
Ushbu dastur yordamida vaqt belgilab qo’ysangiz, shu vaqtga kelib t=smartfoningiz avtomatik ravishda o’chadi. Tunda telefonini o’chirib yotadigan kishilar uchun foydali bo’lishi mumkin.
36. Smartmovie.sis
Standart videopleer ocha olmaydigan bir necha formatdagi videofayllarniko’rsatadi.
37. Zip_Manager.sis
Zip shaklidagi arxivni ochmaydigan ba’zi symbian telefonlar uchun kerakli dastur.
38. Rom xotira.sisx
Telefonning ichki xotirasidan tashqari mavjud bo’lgan rom xotirasini ko’rsatadi va tozalash uchun ishlatiladi.
39. Qo’ng’iroqqa rasm qo’ygich.sis
Ba’zan ayrim raqamlarga kattalashtirilgan surat qo’yishni afzal ko’radigan kishilar uchun ushbu dastur yordamga keladi.
40. AdvancedBatterySaver.sis
Ushbu dastur ilovalarga cheklov kiritgan holda batary quvvatini tejaydi.
Yuqorida qisqacha tavsif berib sanab o’tilgan barcha dasturlarni zip fayl sifatida joylamoqdaman. Ularni ko’chirib olib arxivdan chiqaring, foydalaning va do’stlaringiz bilan baham ko’ring. Darvoqe, to’plamni sayt contenti biroz kechikroq ekani tufayli tas-ix hududiga kirmaydigan tashqi fayl saqlagichga joyladim. Fayl hajmi: 56mb. Ko’chirib olish

Maqola yoqdimi! Uni tezroq do'stlaringizga ma'lum qiling:
BAXTIYOR.UZ
Fikr bildirish

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: